DNS propagation: nega o'zgarish darrov ko'rinmaydi?

DNS propagation (DNS tarqalishi) — domen DNS yozuvini o'zgartirgandan keyin, bu o'zgarish butun internet bo'ylab serverларга yetib borishi uchun ketadigan vaqt. Ko'pchilik "sozlamani o'zgartirdim, lekin sayt hali eski serverda ko'rinyapti" deb hayron bo'ladi — bu normal.

Nega vaqt ketadi?

Internet'da minglab DNS serverlar (resolverlar) bor. Ular tezlik uchun DNS yozuvlarni keshlaydi. Siz yozuvni o'zgartirsangiz, bu serverlar eski qiymatni TTL muddati tugaguncha saqlab turadi. Faqat keyin yangisini so'raydi.

TTL — asosiy omil

TTL (Time To Live) — DNS yozuvi necha soniya keshlanishini belgilaydi. 3600 = 1 soat, 86400 = 1 kun. TTL qancha katta bo'lsa, propagation shuncha sekin. Migratsiya rejalashtirayotgan bo'lsangiz, 1 hafta oldin TTL'ni 300 (5 daqiqa)ga tushiring — keyin o'zgarish tez tarqaladi.

Qancha vaqt ketadi?

1) Odatda 1-4 soat. 2) To'liq global tarqalish 24-48 soatgacha (kamdan-kam). 3) NS (name server) o'zgarishi eng sekin — 24-72 soat. 4) A, CNAME yozuvlar tezroq.

Tekshirish vositalari

1) whatsmydns.net — dunyoning turli nuqtalaridan DNS holatini ko'rsatadi. 2) dnschecker.org — o'xshash. 3) Terminal: dig sayt.uz yoki nslookup sayt.uz. 4) dig +trace sayt.uz — to'liq zanjirni ko'rsatadi.

Mahalliy kesh muammosi

Ba'zan o'zgarish tarqalgan, lekin sizning kompyuteringiz eski versiyani ko'rsatadi. Yechim:
- Windows: ipconfig /flushdns
- Mac: sudo dscacheutil -flushcache
- Brauzer keshini tozalang yoki incognito.

Migratsiya uchun strategiya

1) Yangi serverni to'liq tayyorlang. 2) 1 hafta oldin TTL → 300. 3) DNS o'zgartiring (yoki NS). 4) Eski va yangi server bir muddat ikkalasi ham ishlab tursin (mijoz qaysisiga tushsa ham sayt ko'rinsin). 5) Tarqalgach eski serverni o'chiring.

NS vs A record migratsiya

Faqat hosting o'zgartirsangiz — A record (IP) yangilang, tez. Butun DNS boshqaruvni boshqa joyga ko'chirsangiz — NS o'zgartiring, sekinroq.

Sayt.uz amaliyot

Sayt.uz orqali domen sotib olganda DNS darhol bizning serverlarga yo'naltiriladi. Migratsiyada texnik jamoa TTL'ni oldindan pasaytirib, downtime'siz ko'chirishni ta'minlaydi.